Mark Alexander Boyd


FRA bank to bank, fra wood to wood I rin,
    Ourhailit with my feeble fantasie;
    Like til a leaf that fallis from a tree,
Or til a reed ourblawin with the win.
Twa gods guides me: the ane of tham is blin,
    Yea and a bairn brocht up in vanitie;
    The next a wife ingenrit of the sea,
And lichter nor a dauphin with her fin.
Unhappy is the man for evermair
    That tills the sand and sawis in the air;
    But twice unhappier is he, I lairn,
That feidis in his hairt a mad desire,
And follows on a woman throw the fire,
    Led by a blind and teachit by a bairn.

About the poet
Mark Alexander Boyd
By the same poet
None available
Related books
Mark Alexander Boyd at amazon.co.uk

Home  ·  Poets  ·  Poems  ·  Books  ·  Contact

© 2019 EnglishVerse.com